జిల్లాలో అంగన్వాడి టీచర్ పోస్టులకు దరఖాస్తుల ఆహ్వానం

మండల యాదగిరి, స్వర్ణోదయం ప్రతినిధి ప్రతినిధి కరీంనగర్: కరీంనగర్ జిల్లాలోని పలు ఐసిడిఎస్ ప్రాజెక్టుల పరిధిలో ఖాళీగా ఉన్న 60 అంగన్వాడీ టీచర్ పోస్టుల భర్తీకి ఆన్లైన్ ద్వారా దరఖాస్తులు ఆహ్వానిస్తున్నట్లు జిల్లా సంక్షేమ అధికారి ఎం.సరస్వతి ఒక ప్రకటనలో తెలిపారు.
గంగాధర ఐసిడిఎస్ ప్రాజెక్టు పరిధిలో 20, హుజురాబాద్ లో 16, కరీంనగర్ రూరల్ పరిధిలో 16, కరీంనగర్ అర్బన్ ప్రాజెక్ట్ పరిధిలో 8 అంగన్వాడి టీచర్ పోస్టుల భర్తీకి నోటిఫికేషన్ జారీ చేసినట్లు తెలిపారు. ఈ నెల 15వ తేదీ సాయంత్రం 5 గంటల లోపు దరఖాస్తులు ఆన్లైన్లో మాత్రమే స్వీకరించనున్నట్లు తెలిపారు. ఇంటర్మీడియట్ అర్హత ఉన్న మహిళలు మాత్రమే పోస్టులకు అర్హులని, అభ్యర్థి సంబంధిత అంగన్వాడి కేంద్రం పరిధిలోని గ్రామపంచాయతీ, పట్టణాలు, నగరంలో అయితే వార్డు/ డివిజన్ లో స్థానికురాలు అయి ఉండాలని తెలిపారు. 01.07.2026 నాటికి 18 నుండి 35 సంవత్సరాలు లోపు మహిళలు అర్హులని తెలిపారు. ఖాళీల వివరాలు, ఎంపిక ప్రక్రియ, రిజర్వేషన్ తదితర వివరాల కోసం https://wdcw.tg.nic.in వెబ్ సైట్ ను సందర్శించాలని, ఈ వెబ్సైట్ ద్వారానే దరఖాస్తులు సమర్పించాలని తెలిపారు.

&లోకల్ యాడ్స్&

స్వర్ణోదయం డిజిటల్ పేపర్, యూట్యూబ్ ఛానల్ కు ద్వితీయ వార్షికోత్సవ శుభాకాంక్షలు.

శుభాకాంక్షలు తెలియజేస్తున్న వారు: న్యూ కాకతీయ మోడల్ స్కూల్, జమ్మికుంట రోడ్డు హుజురాబాద్, కరీంనగర్ జిల్లా.