పేద విద్యార్థి వైద్య విద్యకు ఆసరా : హుజూరాబాద్ మున్సిపల్ చైర్‌పర్సన్ రొంటాల సుహాసిని ఉదారత

మండల యాదగిరి, స్వర్ణోదయం ప్రతినిధి హుజూరాబాద్, సెప్టెంబర్ 17: ఆర్థిక ఇబ్బందులు ప్రతిభకు అడ్డంకి కాకూడదనే ఉద్దేశంతో హుజూరాబాద్ మున్సిపల్ చైర్‌పర్సన్ రొంటాల సుహాసిని మనోజ్‌రావు ఒక పేద విద్యార్థికి ఆర్థిక సాయం అందించి తన ఉదారతను చాటుకున్నారు.

​హుస్నాబాద్‌కు చెందిన కొమ్ముల లక్కీ కమల్ అనే విద్యార్థి పదో తరగతిలో 9.7 GPA, ఇంటర్‌లో 970/1000 మార్కులు సాధించడమే కాకుండా, NEET-UG 2026లో ప్రతిభ చాటి ప్రతిష్టాత్మక ఉస్మానియా మెడికల్ కాలేజీలో (MBBS) సీటు సాధించాడు. అయితే కుటుంబ ఆర్థిక పరిస్థితులు వైద్య విద్యకు అడ్డంకిగా మారడంతో, విద్యార్థి ‘మాస్’ (MASS) సంస్థను ఆశ్రయించాడు.

​విషయం తెలుసుకున్న చైర్‌పర్సన్ రొంటాల సుహాసిని మనోజ్ రావు వెంటనే స్పందించి, MASS సంస్థ ద్వారా రూ.20,000 ఆర్థిక సహాయాన్ని అందజేశారు. “ప్రతిభ ఉన్న విద్యార్థులను ప్రోత్సహించడం సమాజ బాధ్యత” అని ఈ సందర్భంగా ఆమె పేర్కొన్నారు. చైర్‌పర్సన్ అందించిన ఈ సాయం పట్ల విద్యార్థి కుటుంబ సభ్యులు ప్రత్యేక కృతజ్ఞతలు తెలిపారు.