swarnodayam.comగోవును జాతీయ జంతువుగా ప్రకటించాలి : శ్రీ శ్రీ శ్రీ సంకటనందన్ దాస్ సాధు పిలుపు
మండల యాదగిరి, స్వర్ణోదయం ప్రతినిధి హుజూరాబాద్: గోవును భారత జాతీయ జంతువుగా గుర్తించాలని సాధు సంకటనందన్ దాస్ పిలుపునిచ్చారు. దేశవ్యాప్త పర్యటనలో భాగంగా హుజూరాబాద్ పట్టణానికి చేరుకున్న ఆయన, స్థానిక పలు వినాయక మండపాలను దర్శించుకుని ప్రత్యేక పూజలు నిర్వహించారు.
ఈ సందర్భంగా ఆయన మాట్లాడుతూ భారతీయ సంస్కృతి, సంప్రదాయాలలో గోమాతకు విశిష్ట స్థానం ఉందని, గోసంరక్షణ ప్రతి ఒక్కరి బాధ్యత అని పేర్కొన్నారు. దేశవ్యాప్తంగా పర్యటిస్తూ గోరక్షణ, సనాతన ధర్మ ప్రాముఖ్యతపై ప్రజల్లో చైతన్యం కల్పిస్తున్నట్లు తెలిపారు.
ఈ కార్యక్రమంలో విశ్వహిందూ పరిషత్ (VHP) ప్రతినిధులు, నాయకులు కంకణాల రమేష్ రెడ్డి – మండల అధ్యక్షులు, వీహెచ్పీ కొమురవెల్లి రాజు – పట్టణ అధ్యక్షులు, వీహెచ్పీ నాయకులు
గుంటి శ్రీనివాస్, ఈదులకంటి రవీందర్ రెడ్డి, మంచికట్ల మురళి, కందుల శ్రీనివాస్ రెడ్డి, అనుమాండ్ల గోపాల్ రెడ్డి తదితరులు పాల్గొన్నారు.
మండపాల వద్ద నిర్వహించిన పూజా కార్యక్రమాల్లో భక్తులు పాల్గొని సాధువు ఆశీస్సులు అందుకున్నారు.
