తెలంగాణ ఉద్యమకారుల రిలే నిరాహార దీక్షలు 18వ రోజుకు చేరిక : కాంగ్రెస్ ప్రభుత్వం హామీలు నెరవేర్చాలని డిమాండ్

స్వర్ణోదయం ప్రతినిధి, హైదరాబాద్:
తెలంగాణ ఉద్యమకారులకు కాంగ్రెస్ ప్రభుత్వం ఇచ్చిన హామీలను కాలయాపన చేయకుండా తక్షణమే నెరవేర్చాలని డిమాండ్ చేస్తూ తెలంగాణ ఉద్యమకారుల జేఏసీ ఆధ్వర్యంలో చేపట్టిన రిలే నిరాహార దీక్షలు ఆదివారం నాటికి 18వ రోజుకు చేరుకున్నాయి.
​ఈనాటి దీక్షా కార్యక్రమానికి హుజురాబాద్ నియోజకవర్గ జేఏసీ చైర్మన్ అవునూరి సమయ్య ముఖ్యఅతిథిగా హాజరై ఉద్యమకారులకు మద్దతు తెలిపారు. ఈ సందర్భంగా ఉమ్మడి నిజామాబాద్ జిల్లాకు చెందిన ఉద్యమకారులు గంగాధర్, భాస్కర్ గౌడ్, సంజీవరెడ్డి, సత్యనారాయణ, బసవరాజు, బి. పరమేశ్వర్ దీక్షలో కూర్చున్నారు.
​ప్రభుత్వం ఇచ్చిన మాట నిలబెట్టుకునే వరకు పోరాటం ఆపేది లేదని నాయకులు స్పష్టం చేశారు. ఈ కార్యక్రమంలో పటోళ్ల సురేందర్ రెడ్డి, పుట్నాల కృష్ణ, అనంతుల సంతోష్, డోలి సుధీర్, భాస్కర్, నర్సింహా నగేష్ తదితరులు పాల్గొని దీక్షా శిబిర సందర్శన చేసి ఉద్యమకారులకు తమ పూర్తినైతిక సంఘీభావాన్ని ప్రకటించారు.

@@లోకల్ యాడ్స్@@

స్వర్ణోదయం డిజిటల్ పేపర్, యూట్యూబ్ ఛానల్ కు ద్వితీయ వార్షికోత్సవ శుభాకాంక్షలు.

శుభాకాంక్షలు తెలియజేస్తున్న వారు: శ్రీమతి శ్రీ కొలుగూరి సుమలత – సుమన్ గారు, 10వ వార్డు కౌన్సిలర్, (ఇప్పల్ నర్సింగాపూర్), బిజెపి మహిళా మోర్చా పట్టణ అధ్యక్షురాలు – బిజెపి సీనియర్ నాయకులు హుజురాబాద్.