Telugu Daily News
హుజురాబాద్ టౌన్లో ఘనంగా జాతీయ పతాకావిష్కరణ.. -సేవాదళ్ ఆధ్వర్యంలో జాతీయ ఐక్యత సందేశం

మండల యాదగిరి, స్వర్ణోదయం ప్రతినిధి హుజురాబాద్ : అఖిల భారత కాంగ్రెస్ సేవాదళ్ పిలుపు మేరకు ప్రతి నెల చివరి ఆదివారం నిర్వహించే కార్యక్రమంలో భాగంగా హుజురాబాద్ టౌన్ 17వ వార్డులో జాతీయ పతాకావిష్కరణ కార్యక్రమం ఘనంగా జరిగింది. హుజురాబాద్ నియోజకవర్గం సేవాదళ్ బ్లాక్-A అధ్యక్షులు మేకల మల్లేశం ఆధ్వర్యంలో ఈ కార్యక్రమం నిర్వహించారు.
సేవాదళ్ రాష్ట్ర అధ్యక్షులు మిద్దెల జితేందర్ పిలుపు మేర, హుజురాబాద్ నియోజకవర్గం కాంగ్రెస్ ఇంచార్జి శ్రీ ఓడితల ప్రణవ్ బాబు ఆదేశాల మేరకు ఈ కార్యక్రమాన్ని ఏర్పాటు చేశారు.
ఈ సందర్భంగా సేవాదళ్ బ్లాక్-A ప్రెసిడెంట్ మేకల మల్లేశం మాట్లాడుతూ… “దేశ జాతీయ సార్వభౌమత్వాన్ని, జాతీయ ఐక్యతను ప్రజలందరికీ చాటి చెప్పేందుకే కాంగ్రెస్ సేవాదళ్ ఆధ్వర్యంలో ప్రతి నెల చివరి ఆదివారం నియమబద్ధంగా జాతీయ జెండాను ఎగరవేయడం జరుగుతోంది” అని తెలిపారు.
