Social 1080×1350 • Multi-page
27-10-2026 BREAKING NEWS 08:50 PM
swarnodayam.com
Telugu Daily News

సేవా భావమే జీవిత లక్ష్యం​. – మాజీ మున్సిపల్‌ చైర్మన్‌ సేవలు సమాజానికి ఆదర్శప్రాయం. – ​ఘనంగా జన్మదిన వేడుకలు.. ప్రశంసించిన ప్రజాకవి డాక్టర్‌ నాగుల సత్యంగౌడ్

సేవా భావమే  జీవిత లక్ష్యం​. – మాజీ మున్సిపల్‌ చైర్మన్‌ సేవలు సమాజానికి ఆదర్శప్రాయం. – ​ఘనంగా జన్మదిన వేడుకలు.. ప్రశంసించిన ప్రజాకవి డాక్టర్‌ నాగుల సత్యంగౌడ్
IMG-20261027-WA0090

మండల యాదగిరి, స్వర్ణోదయం ప్రతినిధి ​హుజూరాబాద్‌, అక్టోబరు 27 :
హుజూరాబాద్‌ మాజీ మున్సిపల్‌ చైర్మన్‌ వడ్లూరి విజయ్‌కుమార్‌ అందించిన నిస్వార్థ సేవలు సమాజానికి ఎంతో ఆదర్శప్రాయమని మానవ విలువల పరిరక్షణ జాతీయ అధ్యక్షులు, ప్రజాకవి, తత్వవేత్త బ్రహ్మశ్రీ డాక్టర్‌ నాగుల సత్యంగౌడ్‌ కొనియాడారు. మంగళవారం పట్టణంలోని అవంతి కన్వెన్షన్‌ హాలులో విజయ్‌కుమార్‌ జన్మదిన వేడుకలు అభిమానులు, ప్రజాప్రతినిధులు, వివిధ సంఘాల నాయకుల సమక్షంలో అత్యంత వైభవంగా మరియు ఘనంగా నిర్వహించారు.
​వైభవంగా సత్కార కార్యక్రమం :
​ఈ వేడుకల సందర్భంగా డాక్టర్‌ నాగుల సత్యంగౌడ్‌ ముఖ్య అతిథిగా హాజరై, విజయ్‌కుమార్‌కు పట్టు శాలువా కప్పి, ఆధ్యాత్మిక కవితా జ్ఞాపికను మరియు పూలబొకేను అందజేసి ఘనంగా సత్కరించారు. అనంతరం సభామధ్యంలో కేక్‌ కట్‌ చేసి, పరస్పరం మిఠాయిలు తినిపించుకుంటూ జన్మదిన శుభాకాంక్షలు తెలియజేశారు.
​ప్రజాసేవలోనే అసలైన తృప్తి: సత్యంగౌడ్‌
​ఈ సందర్భంగా డాక్టర్‌ నాగుల సత్యంగౌడ్‌ మాట్లాడుతూ… ఆపదలో ఉన్న పేదలకు ఎల్లవేళలా తనవంతు సాయం అందిస్తూ, ప్రజాసేవనే తన జీవిత ముఖ్య ధ్యేయంగా ఎంచుకున్న విజయ్‌కుమార్‌ అభినందనీయులని ప్రశంసించారు.
​పట్టణాభివృద్ధికి బాటలు: మున్సిపల్‌ చైర్మన్‌గా తన పదవీ కాలంలో హుజూరాబాద్‌ పట్టణాన్ని అన్ని రంగాల్లో ప్రగతిపథంలో నడిపించి, రాష్ట్రస్థాయిలో ప్రత్యేక గుర్తింపు తీసుకురావడం ఎంతో గర్వకారణమన్నారు.
​నాయకులకు దిశానిర్దేశం: నాయకులు నిరంతరం ప్రజలకు అందుబాటులో ఉంటూ వారి సమస్యలను సత్వరం పరిష్కరించినప్పుడే నిరంతర గుర్తింపు లభిస్తుందని పేర్కొన్నారు. స్వార్థాన్ని వీడి మానవతా దృక్పథంతో మెలిగి మానవ జన్మను సార్థకం చేసుకోవాలని ఈ సందర్భంగా పిలుపునిచ్చారు.
​పెద్ద ఎత్తున పాల్గొన్న నాయకులు, అభిమానులు
​ఈ కార్యక్రమంలో ఎమ్మార్పీఎస్‌ జాతీయ ఉపాధ్యక్షులు రుద్రారపు రామచంద్రం, మాజీ మున్సిపల్‌ కౌన్సిలర్‌ ఇమ్రాన్‌, బండ నవీన్‌, బొడ్డు సంజయ్‌, తునికి వసంత్‌, నందగిరి శ్రీనివాస్‌, బాబురావు, వెంకటస్వామి, శాయిల రాజు, జడల సమ్మయ్య, చందు, ముకుందరెడ్డి, రాజుగౌడ్‌, బాలాజీలతో పాటు పలువురు స్థానిక నాయకులు, కార్యకర్తలు, అభిమానులు పెద్ద సంఖ్యలో పాల్గొని విజయ్‌కుమార్‌కు శుభాకాంక్షలు తెలిపారు.


@@లోకల్ యాడ్స్@@

స్వర్ణోదయం డిజిటల్ పేపర్, యూట్యూబ్ ఛానల్ కు ద్వితీయ వార్షికోత్సవ శుభాకాంక్షలు.

శుభాకాంక్షలు తెలియజేస్తున్న వారు: శ్రీ బానోతు వెంకట్ స్వామి నాయక్ గారు, 15వ వార్డు కౌన్సిలర్, పురపాలక సంఘం హుజురాబాద్.

Reporter

  • Mandala Yadagiri

    Working as a Journalist for the past 30 years in various Telugu Daily News Papers

error: Content is protected !!