పెంచిన ఆర్టీసీ చార్జీలు తగ్గించాలి. – సిపిఎం పార్టీ మండల కార్యదర్శి కొప్పుల శంకర్ డిమాండ్

మండల యాదగిరి, స్వర్ణోదయం ప్రతినిధి హుజురాబాద్ : హుజురాబాద్ నుండి కరీంనగర్ ప్రయాణించే ప్రయాణికుల పై పెంచిన బస్ చార్జీలు తగ్గించాలని సిపిఎం పార్టీ హుజరాబాద్ మండల కార్యదర్శి కొప్పుల శంకర్ డిమాండ్ చేశారు.

శనివారం ఆయన మాట్లాడుతూ…. ప్రజలకు ప్రయాణ సౌకర్యాన్ని అందించాల్సిన బాధ్యత ప్రభుత్వాలదని, అలాంటిది సామాన్య ప్రజలకు సొంత వాహనాలు లేకుంటేనే ప్రజా రవాణా వ్యవస్థ పై ఆధారపడి ప్రయాణిస్తారని అన్నారు. ఒకపక్క విపరీతమైన నిత్యవసర వస్తువుల ధరలు పెరిగిపోయి ఇప్పటికే ప్రజలపై అనేక భారాలు పడుతున్నాయని అన్నారు. నేషనల్ హైవే పైన కొత్తగట్టు వద్ద ఏర్పటు చేసిన టోల్ గేట్ టోల్ టాక్సీ కీ సంబంధించిన భారాన్ని రాష్ట్ర ప్రభుత్వమే భరించాలని అట్టి భారాన్ని ఆర్టీసీలో ప్రయాణించే ప్రయాణికులపై వేయొద్దని, వెంటనే పెంచిన చార్జీలను తగ్గించాలని డిమాండ్ చేశారు.