మండల యాదగిరి, స్వర్ణ ఉదయం ప్రతినిధి, హుజురాబాద్: 60 ఏళ్ల పైబడి స్నేహం కొనసాగిస్తున్న వృద్ధులు ఆదివారం ప్రపంచ స్నేహితుల దినోత్సవాన్ని పురస్కరించుకొని హుజురాబాద్ పట్టణంలోని డిగ్రీ కళాశాల ఆవరణలో ఘనంగా స్నేహితుల దినోత్సవం జరుపుకున్నారు. ఈ సందర్భంగా కేక్ కట్ చేసి మిఠాయిలు ఒకరికొకరు తినిపించుకున్నారు. వృద్ధుల మైనప్పటికీ స్నేహాన్ని మర్చిపోలేదని, స్నేహమే ఇప్పటికీ తమలో ఉత్సాహాన్ని నింపుతుందని వారన్నారు. ఈ కార్యక్రమంలో రిటైర్డ్ ఉద్యోగులు కుసుమ సారంగపాణి, ఎండి మునీరుద్దీన్, రాముడి జన్నయ్య, కొలిపాక సారయ్య, సాదుల రవీందర్ బాబు, ముక్క మొగిలి, సోమ విద్యానంద్, రంగు పండరి, బేల్లీ వెంకటస్వామి, రంగు పండరి లు పాల్గొన్నారు.
