మండల యాదగిరి, స్వర్ణోదయం ప్రతినిధి హుజూరాబాద్, నవంబర్ 06ః సంగారెడ్డిలో రాష్ట్ర స్థాయి క్రీడాపోటీలలో పాల్గొన్న అండర్-17 కరీంనగర్ జిల్లా హాకీ జట్టుకు కోచ్ గా హుజూరాబాద్ లోని మారుతీనగర్ కు చెందిన మోటపోతుల విక్రమ్ వ్యవహరిస్తున్నారు. అంబేద్కర్ స్టేడియంలో ఈనెల 5నుంచి 7 వరకు ఈ పోటీలు జరగనున్నాయి. విక్రమ్ ప్రస్తుతం రుక్మాపూర్ సైనిక్ స్కూల్లో పీఈటీగా విధులు నిర్వర్తిస్తున్నారు. క్రీడాకారులకు శిక్షణతో పాటు, మనో ధైర్యాన్ని అందిస్తూ జిల్లా హాకీ జట్టు గెలుపే లక్ష్యంగా కృషి చేస్తున్నారు. ఈ యువకుని ఎంపిక పట్ల హుజూరాబాద్ హాకీ క్లబ్ అధ్యక్షుడు కోలిపాక శ్రీనివాస్, కార్యదర్శి గని శట్టి ఉమామహేశ్వర్ , సభ్యులు, పలువురు హర్షం వ్యక్తం చేస్తున్నారు.
