మండల యాదగిరి, స్వర్ణోదయం ప్రతినిధి హుజూరాబాద్, డిసెంబర్ 18: కరీంనగర్ జిల్లా సగర ఉప్పర సంఘం కమిటీ పదవీ కాలము ముగియడంతో కమిటీని రద్దు చేస్తున్నట్లు సగర ఉప్పర సంఘం రాష్ట్ర గౌరవాధ్యక్షులు ముత్యాల హరికిషన్ తెలిపారు. జిల్లా అధ్యక్షులు ఏరుకొండ ప్రసాద్ అధ్యక్షతన బుధవారం పట్టణంలో కార్యవర్గ సమావేశం నిర్వహించారు. ఈ సందర్భంగా హరికిషన్ మాట్లాడుతూ.. ఈ నెల 29న హుజూరాబాద్లోని కేరళ స్కూల్లో నూతన కమిటీ ఎన్నిక జరుగుతుందని, జిల్లా నగర ఉప్పర సంఘం సభ్యులు ఎన్నికను విజయవంతం చేయాలని కోరారు. కాగా జిల్లా రాష్ట్ర నాయకులను ఈ సందర్భంగా శాలువాలతో ఘనంగా సత్కరించారు. ఈ కార్యక్రమంలో ఏరుకొండ ప్రసాద్, గౌరక్క సత్యం సాగర, మార్క సతీష్ సాగర, నలువాల బిక్షపతి, కానుగంటి శ్రీనివాస్ సగర, సామాజిక కార్యకర్త నలుబాల వేణుగోపాల్, గుంటి శ్రీనివాస్, ఎంజాల వాసు, దేవునూరి శ్రీనివాస్, కురిమిళ్ళ రాజు తదితరులు పాల్గొన్నారు.
Reporter
About the Author
