మండల యాదగిరి, స్వర్ణోదయం ప్రతినిధి హుజురాబాద్, ఫిబ్రవరి 26: హుజురాబాద్ మున్సిపల్ పరిధిలోని 26వ వార్డులో పేద కుటుంబాలకు చేయూత గా ఉంటామని ఇటీవల జరిగిన మున్సిపల్ ఎన్నికల్లో ఇచ్చిన భరోసా మేరకు కౌన్సిలర్ కేసిరెడ్డి లావణ్య – నర్సింహారెడ్డి దంపతులు ఓ నిరుపేద కుటుంబంలో వివాహానికి ఆర్థిక సహాయం అందించి అండగా నిలిచారు. 26వ వార్డుకు చెందిన నారోజు రాజ్యలక్ష్మి – రత్నాచారి దంపతుల కుమార్తె తరుణి వివాహము కందుకూరి రాజేందర్ తో గురువారం స్థానిక మధువని గార్డెన్ లో జరిగింది. ఈ వివాహ వేడుకకు కౌన్సిలర్ కేసిరెడ్డి లావణ్య నర్సింహారెడ్డి దంపతులు హాజరయ్యారు. వధూవరులను ఆశీర్వదించి రూ.10,116 /- ఆర్థిక సహాయం అందించి వారి కుటుంబానికి శుభాకాంక్షలు తెలిపారు. పేదింటి వివాహానికి ఆర్థిక సహాయం అందించిన కౌన్సిలర్ లావణ్య నర్సింహా రెడ్డి దంపతులను పలువురు అభినందించారు.
26వ వార్డుకు చెందిన పేదింటి వివాహానికి రూ.10,116 అందిస్తున్న కేసిరెడ్డి లావణ్య నర్సింహారెడ్డి దంపతులు
Reporter
About the Author
