ప్రభుత్వ కళాశాలలో టాపర్లను అభినందించిన ఎసిపి మాధవి

మండల యాదగిరి, స్వర్ణోదయం ప్రతినిధి హుజురాబాద్: ఇంటర్మీడియట్ పరీక్ష ఫలితాల్లో హుజురాబాద్ ప్రభుత్వ జూనియర్ కళాశాలలో చదివి మంచి ప్రతిభ కనబరిచిన విద్యార్థులను సోమవారం హుజురాబాద్ ఏసిపి వాసంశెట్టి మాధవి అభినందించారు. ఈ సందర్భంగా ఏసీపీ మాధవి మాట్లాడుతూ… ప్రభుత్వ కళాశాలలో చదివి ప్రైవేటుకు దీటుగా ఉత్తీర్ణులు కావడం కాకుండా మంచి మార్కులు పొందడం అభినందనీయం అన్నారు. క్రమశిక్షణతో ప్రణాళిక బద్ధంగా చదివితే ఎవరైనా అనుకున్న లక్ష్యాన్ని సాధించవచ్చు అన్నారు. ఈ సందర్భంగా కళాశాలలో విద్యార్థులు బాణాసంచా కాల్చి సంబరాలు జరుపుకున్నారు. ఈ కార్యక్రమంలో ప్రిన్సిపాల్ ఆంజనేయ రావు, అధ్యాపకులు పి ప్రసాద్, బండి రాజశేఖర్, సురేష్, శైలజ, చరణ్, వెంకటరమణ, విజేందర్ రెడ్డి, సుగుణ, వనమాల, మురళీమోహన్ తదితరులు పాల్గొన్నారు.