మండల యాదగిరి, స్వర్ణోదయం ప్రతినిధి హుజూరాబాద్: విద్యార్థులు ఉన్నతంగా చదివి సమాజ అభివృద్ధికి తోడ్పెడేలా ముందుకు సాగాలని మున్సిపల్ చైర్ పర్సన్ రొంటాల సుహాసిని అన్నారు. బుధవారం పట్టణంలోని మాంటిస్సోరి పాఠశాలలో పదవ తరగతిలో అత్యధిక మార్కులు సాధించిన విద్యార్థులను ఆమె అభినందించారు. ఈ సందర్భంగా ఆమె మాట్లాడుతూ విద్యార్థులు తల్లిదండ్రులకు పేరు తెచ్చేలా మంచి నడవడికతో చదువు కొనసాగించాలని సూచించారు. ఇక్కడి విద్యార్థులు చదువులో రాణించి ఎదిగినప్పుడే కుటుంబంతో పాటు పట్టణానికి పేరు వస్తుందని అన్నారు. అనంతరం పదవ తరగతి పరీక్షల్లో అత్యధిక మార్కులు సాధించిన G రిషి వర్ధన్ 583, M నిహాల్ 581, G అభినవ్ 581, మహమ్మదీ బేగం 577, M ప్రణతి 573, K సాన్విత్ 571 లను శాలువాతో అభినందించారు. ఈ కార్యక్రమంలో పాఠశాల డైరెక్టర్ షాజూ థామస్, ఉపాధ్యాయులు రమేష్, అజ్మత్ అలీ, అబీద్ పాష, తిరుపతి, రవీందర్, రవీందర్ రావు, తదితరులు పాల్గొన్నారు.
పదవ తరగతిలో అత్యధిక మార్కులు సాధించిన విద్యార్థులను అభినందిస్తున్న మున్సిపల్ చైర్ పర్సన్ సుహాసిని
Reporter
About the Author
