సుల్తానాబాద్ మున్సిపల్ కార్యాలయంలో లంచం తీసుకుంటూ ఏసీబీకి చిక్కిన ఇద్దరు ఉద్యోగులు

మండల యాదగిరి, స్వర్ణోదయం ప్రతినిధి కరీంనగర్ (సుల్తానాబాద్), జూన్ 28: పెద్దపల్లి జిల్లా సుల్తానాబాద్ మున్సిపల్ కార్యాలయంలో ఇద్దరు ఉద్యోగులు లంచం తీసుకుంటూ అవినీతిశాఖ (ఏసీబీ) అధికారులకు అడ్డంగా దొరికిపోయారు. బాధితుని ఫిర్యాదుపై శుక్రవారం ఏసీబీ అధికారులు మున్సిపల్ కార్యాలయంలో ఆకస్మికంగా తనిఖీ నిర్వహించారు. ఈ క్రమంలో.. పని పూర్తి చేయడానికి రూ.5,000 లంచం తీసుకుంటున్న ఆసిస్టెంట్ ఇంజినీర్ వినోద్, బిల్ కలెక్టర్ విజయ్‌లను రెడ్‌హ్యాండెడ్‌గా పట్టుకున్నారు. వెంటనే ఇద్దరినీ అదుపులోకి తీసుకొని విచారణ ప్రారంభించారు. ప్రస్తుతం కార్యాలయంలో ఏసీబీ సోదాలు కొనసాగుతున్నాయి. మరిన్ని వివరాలు ఇంకా తెలియాల్సి ఉంది.