ఎన్ హెచ్ ఆర్ సి కరీంనగర్ జిల్లా మీడియా కన్వీనర్‌గా రాచర్ల వేణు.. – రాష్ట్ర అధ్యక్షులు డా. మొగుళ్ల భద్రయ్య చే సన్మానం

మండల యాదగిరి, స్వర్ణోదయం ప్రతినిధి కరీంనగర్: జాతీయ మానవ హక్కుల కమిటీ (ఎన్ హెచ్ ఆర్ సి) కరీంనగర్ జిల్లా మీడియా కన్వీనర్‌గా హుజురాబాద్ కు చెందిన రాచర్ల వేణు సేవలను గుర్తించి, రాష్ట్ర అధ్యక్షులు డా. మొగుళ్ల భద్రయ్య శాలువాతో సన్మానం చేశారు. ఈ సందర్భంగా డా. భద్రయ్య మాట్లాడుతూ.. సమాజంలోని ప్రతి వర్గానికి న్యాయం చేరేలా కమిటీ సేవలు కొనసాగించాలని సూచించారు. మీడియా ద్వారా మానవ హక్కుల అవగాహన పెంపునకు కృషి చేయడం ఎంతో అవసరమని ఆయన ప్రస్తావించారు. ఈ కార్యక్రమంలో జగిత్యాల జిల్లా అధ్యక్షులు కాసారపు శ్రీనివాస్, కరీంనగర్ జిల్లా అధ్యక్షులు ఇమ్మడి ప్రణవ్‌తో పాటు పలువురు ఎన్ హెచ్ ఆర్ సి కీలక సభ్యులు పాల్గొన్నారు.