హ్యూమానిటీ చారిటబుల్ ట్రస్ట్ ఆధ్వర్యంలో కుష్టి వ్యాధిగ్రస్తులకు నిత్యవసర సరుకులు పంపిణీ.

మండల యాదగిరి, స్వర్ణోదయం ప్రతినిధి హుజురాబాద్: హుజురాబాద్ కు చెందిన హ్యూమానిటీ చారిటబుల్ ట్రస్ట్ ఆధ్వర్యంలో జమ్మికుంట మండలం వావిలాల గ్రామంలోని లెప్రసి కాలనీలో కుష్టి వ్యాధిగ్రస్తులకు నిత్యవసర సరుకులు పంపిణీ చేశారు. ఈ సందర్భంగా ట్రస్ట్ నిర్వాహకులు కవిత నవీన్ కుమార్ మాట్లాడుతూ..

మానవులకు తెలిసిన పురాతన వ్యాధి కుష్టు వ్యాధి అని, ఆధునిక వైద్యం ద్వారా కుష్టు వ్యాధిని పూర్తిగా నయం చేయగలిగినప్పటికీ, ఈ వ్యాధి గురించి ఉన్న అనేక అపోహల కారణంగా చాలా మంది దీనిని భయం మరియు అపనమ్మకంతో చూస్తున్నారన్నారు. ప్రతి సంవత్సరం జనవరి చివరి ఆదివారం ప్రపంచ కుష్టు వ్యాధి దినోత్సవాన్ని జరుపుకుంటారనీ, కుష్టు వ్యాధి యొక్క ప్రాముఖ్యతపై ప్రపంచానికి అవగాహన కల్పించే లక్ష్యంతో ఈ కార్యక్రమం ఆశ యొక్క వెలుగును తీసుకురావడానికి ప్రయత్నిస్తుందన్నారు.
కుష్టు వ్యాధిని ఒక “గుర్తింపు”గా చూడకూడదు, కానీ దాని వైద్య అంశాల పరంగా ప్రజలు అర్థం చేసుకోగల అనారోగ్యంగా చూడాలి అన్నారు.
ప్రపంచ కుష్టు వ్యాధి దినోత్సవం యొక్క థీమ్ ‘కళంకాన్ని తొలగించడం’, ముందస్తు గుర్తింపును ప్రోత్సహించడం మరియు సమాజాలను పాల్గొనేలా చేయడం అనే దానికి కట్టుబడి ఉందన్నారు. చికిత్సా పథకాలు అందుబాటులో ఉన్నప్పటికీ, వివక్షత గురించి ఆందోళనల కారణంగా ఆలస్యంగా గుర్తించిన సందర్భాలు ఇప్పటికీ ఉన్నాయన్నారు.

ప్రపంచ కుష్టు వ్యాధి దినోత్సవం అనేది ఉజ్వల భవిష్యత్తును నిర్మించడం గురించి, ఇది కుష్టు వ్యాధిని వివక్షత లేని వ్యాధిగా మార్చడం గురించి, కుష్టు వ్యాధిని అధిగమించడానికి నేటి అవగాహన మరియు అంకితభావం ద్వారా రూపొందించబడిన మరియు రూపొందించబడిన భవిష్యత్తు. అవగాహన అంగీకారాన్ని సృష్టిస్తుందన్నారు. అంగీకారం వ్యక్తులు, కుటుంబాలు మరియు సంఘాలకు స్వస్థతను సృష్టిస్తుంది అని అన్నారు.
తప్పుడు సమాచారం ప్రభావితమైన వారికి నయమైన తర్వాత కూడా సామాజిక బహిష్కరణ ఉద్యోగం కోల్పోవడం మరియు భావోద్వేగా గాయానికి నిత్యం గురవుతూనే ఉన్నారన్నారు. అటువంటి వారిని ఆదరించవలసిన బాధ్యత ప్రతి ఒక్కరి పైన ఉన్నదన్నారు.
కావున ఇటువంటి బాధితులకు ప్రతి ఒక్కరు తమ వంతు సహాయం అందించగలరని ట్రస్టు నిర్వాహకులు కోరారు. ఈ కార్యక్రమంలో కవిత, నవీన్ కుమార్, సరళ, బాపయ్య తదితరులు పాల్గొన్నారు.

వావిలాల గ్రామంలోని లెప్రసి కాలనీలో కుష్టి వ్యాధిగ్రస్తులకు నిత్యవసర సరుకులు పంపిణీ చేస్తున్న హుజురాబాద్ కు చెందిన హ్యూమానిటీ చారిటబుల్ ట్రస్ట్ నిర్వాహకులు..