మారుతి ఏజెన్సీ ఎలక్ట్రిక్ ద్విచక్ర వాహనాల షోరూం ప్రారంభం

Mandala Yadagiri March 14, 2026

మండల యాదగిరి, స్వర్ణోదయం ప్రతినిధి హుజురాబాద్ : హుజురాబాద్ పట్టణంలో మాచర్ల రాజు ఆధ్వర్యంలో ప్రారంభించిన మారుతి ఏజెన్సీ ఈవీ షోరూం ఎలక్ట్రిక్ ద్విచక్ర వాహనాల షోరూం ప్రారంభోత్సవ కార్యక్రమానికి శనివారం హుజురాబాద్ కాంగ్రెస్ పార్టీ నియోజకవర్గ ఇంచార్జీ వొడితల ప్రణవ్ ముఖ్య అతిథిగా హాజరయ్యారు. ఈ సందర్భంగా ఆయన మాట్లాడుతూ ఎలక్ట్రిక్ వాహనాల వినియోగం పెరగడం వల్ల వాతావరణ కాలుష్యం తగ్గుతుందని తెలిపారు. ప్రతి ఒక్కరు ఎలక్ట్రిక్ వాహనాలను వినియోగించడం ద్వారా ఇంధనం ఆదా కావడంతో పాటు పర్యావరణానికి ముప్పు తగ్గుతుందని పేర్కొన్నారు. ఈ కార్యక్రమంలో హుజురాబాద్ మున్సిపల్ చైర్ పర్సన్ రొంటాల సుహాసిని, మరో అతిథి ప్రేమ్ రెడ్డి, రాజు కుటుంబ సభ్యులు, కాంగ్రెస్ నాయకులు, సీనియర్ జర్నలిస్టులు, వివిధ సంఘాల నాయకులు తదితరులు పాల్గొన్నారు.