“ఈ సాలా కప్ నమ్దే”.. ఫైనల్ విన్నర్ RCB

స్వర్ణోదయం ప్రతినిధి హైదరాబాద్ మే 31: గుజరాత్ టైటాన్స్ (GT) నిర్దేశించిన 156 పరుగుల లక్ష్యాన్ని చేదించి, రాయల్ ఛాలెంజర్స్ బెంగళూరు (RCB) ఫైనల్ విన్నర్‌గా నిలిచింది. ఒకవైపు GT తరపున వాషింగ్టన్ సుందర్ ఒంటరి పోరాటం చేస్తూ హాఫ్ సెంచరీతో జట్టును ఆదుకున్నా, కింగ్ విరాట్ కోహ్లీ క్లాస్ ఇన్నింగ్స్‌తో మెరిసి హాఫ్ సెంచరీతో RCBని విజేతగా నిలబెట్టాడు. ఈ చారిత్రాత్మక విజయంతో కోట్లాది మంది అభిమానుల సుదీర్ఘ నిరీక్షణకు తెరదించుతూ.. “ఈ సాలా కప్ నమ్దే” నినాదాన్ని నిజం చేస్తూ RCB రెండవసారి IPL ట్రోఫీని ముద్దాడింది!

‘కింగ్’ కోహ్లీ ఊచకోత.. 18 ఓవర్లలోనే ఖేల్‌ఖతం!
156 పరుగుల లక్ష్యంతో బరిలోకి దిగిన ఆర్సీబీకి ఓపెనర్లు విరాట్ కోహ్లీ, వెంకటేష్ అయ్యర్ (32) పవర్‌ప్లేలోనే 50 పరుగుల భాగస్వామ్యంతో అదిరిపోయే స్టార్ట్ ఇచ్చారు. ఆ తర్వాత మిడిల్ ఆర్డర్‌లో కొద్దిగా వికెట్లు పడినా.. వన్-మ్యాన్ ఆర్మీలా నిలిచిన విరాట్ కోహ్లీ (42 బంతుల్లో 75 పరుగులు, 9 ఫోర్లు, 3 సిక్సర్లు) గుజరాత్ బౌలర్లను చీల్చి చెండాడాడు. అతనికి తోడుగా టిమ్ డేవిడ్ (24) రాణించడంతో, ఆర్సీబీ 18 ఓవర్లలోనే 161/5 స్కోరుతో విజయాన్ని అందుకుంది.