మాజీమంత్రి హరీష్ రావుపై అనుచిత వ్యాఖ్యలకు నిరసనగా పోలీసులకు ఫిర్యాదు

మండల యాదగిరి, స్వర్ణోదయం ప్రతినిధి హుజురాబాద్: మాజీ మంత్రి తన్నీరు హరీష్ రావుపై కాంగ్రెస్ నాయకులు సంపత్ అనిచిత వ్యాఖ్యలు చేయడంను నిరసిస్తూ సోమవారం బిఆర్ఎస్ నాయకులు హుజురాబాద్ పోలీసులకు ఫిర్యాదు చేశారు. ఈ సందర్భంగా వారు మాట్లాడుతూ… తిప్పారపు సంపత్ తన పేరు కోసం ఎవరిపై పడితే వారిపై ఆరోపణలు చేయడం అలవాటని అన్నారు. ఆధారాలు లేని ఆరోపణలు చేయడం సరికాదని, ప్రజాసేవ చేస్తున్న హరీష్ రావుపై విమర్శలు చేయడం ఆరోపణలు చేయడం తగదనీ పేర్కొన్నారు. ఈ కార్యక్రమంలో మాజీ కౌన్సిలర్లు మారెపల్లి సుశీల, ముక్క రమేష్, బర్మా వత్ యాదగిరి నాయక్, అక్కినపల్లి శిరీష, నాయకులు కొండ్ర నరేష్, విడపు అనురాగ్, తలకొక్కుల హరిప్రసాద్ తదితరులు పాల్గొన్నారు.