ఆర్యవైశ్య హిందూ స్మశాన వాటిక కాంపౌండ్ వాల్ నిర్మాణానికి శంకుస్థాపన.

మండల యాదగిరి, స్వర్ణోదయం ప్రతినిధి హుజురాబాద్: హుజురాబాద్‌ పట్టణ శివారులోని రంగనాయకుల గుట్ట సమీపంలో గల ఆర్యవైశ్య హిందూ స్మశాన వాటిక చుట్టూ ఫినిషింగ్ వైరు వేయించేందుకు రూ.5 లక్షల మున్సిపల్ నిధులు మంజూరూ కాగా ఈ రోజు ఆ పనులు చేపట్టేందుకు శంకుస్థాపన కార్యక్రమం ఘనంగా నిర్వహించారు. సకాలంలో నాణ్యతతో పనులు పూర్తి చేయాలని ఈ సందర్భంగా ఈ కార్యక్రమంలో పాల్గొన్న మున్సిపల్ కమిషనర్ సమ్మయ్య పేర్కొన్నారు. ఇంకా ఈ కార్యక్రమంలో ఏఈ (అసిస్టెంట్ ఇంజనీర్) సాంబరాజు, ఆర్య వైశ్య సంఘ నాయకులు గందె శ్రీనివాస్, హరిశంకర్, నార్ల రాజేందర్, గర్రెపల్లి శ్రీనివాస్, కటకం సత్యనారాయణ, నూక శ్రీనివాస్, రేణికుంట్ల సురేష్, నార్ల శ్రీనివాస్, అయిత బిక్షపతి, అయిత సురేందర్ తదితరులు పాల్గొన్నారు.