చెల్పూర్ పీహెచ్సీ ఆకస్మిక తనిఖీ

మండల యాదగిరి, స్వర్ణోదయం ప్రతినిధి హుజురాబాద్: హుజురాబాద్ మండలం చెల్పూర్ గ్రామంలోని ప్రాథమిక ఆరోగ్య కేంద్రాన్ని సోమవారం జిల్లా వైద్య ఆరోగ్యశాఖ అధికారి డాక్టర్ వెంకటరమణ ఆకస్మికంగా తనిఖీ చేశారు. ఈ సందర్భంగా ఆయన పిహెచ్సిలోని రికార్డులను తనిఖీ చేసి పిహెచ్సికి వచ్చే రోగులకు కల్పిస్తున్న సౌకర్యాలను గురించి పరిశీలించి అడిగి తెలుసుకున్నారు. సీజనల్ వ్యాధుల పట్ల వైద్యులు, వైద్య సిబ్బంది అప్రమత్తంగా ఉండాలని అన్నారు. ఈ తనిఖీలో ఆయన వెంట హుజురాబాద్ డిప్యూటీ డిఎంహెచ్వో డాక్టర్ చందు, పీహెచ్సీ డాక్టర్ మధు, హెచ్ ఈఓ విజయేందర్ రెడ్డి, హెల్త్ అసిస్టెంట్ సత్యం, పలువురు సిబ్బంది, ఏఎన్ఎంలు, ఆశా కార్యకర్తలు ఉన్నారు.