సమ్మక్క సారలమ్మ జాతర పోస్టర్ ఆవిష్కరణ.. – జాతర ఏర్పాటను పరిశీలించిన ప్రణవ్ బాబు..

Mandala Yadagiri January 20, 2026 1 minute read

మండల యాదగిరి, స్వర్ణోదయం ప్రతినిధి హుజురాబాద్: హుజురాబాద్ పట్టణ శివారులోని రంగనాయకులగుట్ట వద్ద నిర్వహించే సమ్మక్క సారలమ్మ జాతర పోస్టర్ ఆవిష్కరణ కార్యక్రమం జరిగింది. మంగళవారం సమ్మక్క జాతర ఏర్పాట్లను హుజురాబాద్ నియోజకవర్గ కాంగ్రెస్ పార్టీ ఇంచార్జీ వొడితల ప్రణవ్ బాబు సందర్శించి పరిశీలించారు. జాతరకు వచ్చే భక్తులకు ఎలాంటి ఇబ్బందులు కలగకుండా ఉండేందుకు అన్ని చర్యలు తీసుకోవాలని అన్నారు. ప్రభుత్వం నుండి ఎలాంటి సహాయ సహకారాలు కావాలన్నా తన దృష్టికి తీసుకొని రావాలని కోరారు. జాతరకు వచ్చే భక్తులకు కావలసిన ఏర్పాట్లను చేయడంలో ఎలాంటి అశ్రద్ధ చేయరాదన్నారు. అనంతరం గద్దెల వద్ద సమ్మక్క సారలమ్మకు బంగారం చెల్లించి మొక్కులు అప్పజెప్పారు. ఈ కార్యక్రమంలో హుజురాబాద్ టౌన్ సిఐ టీ కరుణాకర్, దేవాదాయ శాఖ ఉద్యోగులు అశోక్, లోకేష్, సమ్మక్క జాతర కమిటీ పాలకవర్గం, కాంగ్రెస్ నాయకులు పాల్గొన్నారు.