మండల యాదగిరి, స్వర్ణోదయ ప్రతినిధి, హుజురాబాద్:
విద్యార్థుల్లో క్రీడల పట్ల ఆసక్తిని, అభిలాషను పెంచే ఉద్దేశ్యంతో ప్రతి ఏడు నిర్వహించే ఎస్జీఎఫ్ మండల స్థాయి క్రీడలు ఈనెల 29 నుండి నిర్వహిస్తున్నామని, ఈ క్రీడలను విజయవంతం చేయాలని హుజురాబాద్ మండల విద్యాధికారి కొమ్మెర శ్రీనివాసరెడ్డి కోరారు. మంగళవారం హుజురాబాద్ ఎంఆర్సి భవనంలో హుజురాబాద్, జమ్మికుంట, వీణవంక, సైదాపూర్, ఇల్లందకుంట మండలా ల ఎస్ జిఎఫ్ కార్యదర్శులతో సమావేశ నిర్వహించారు. ఈ సమావేశంలో మండలస్థాయి క్రీడల నిర్వహణ, తేదీల ఎంపిక మొదలైన అంశాలపై వారితో చర్చించారు. అనంతరం ఈనెల 29, 30, 31వ తేదీలలో మండలస్థాయి ఎస్జీఎఫ్ క్రీడలు నిర్వహించాలని నిర్ణయం చేశారు. ఈ క్రీడలను సక్రమంగా నిర్వహించేందుకు ఎస్జీఎఫ్ కార్యదర్శిలు తగిన ఏర్పాట్లు చేయాలని, క్రీడల నిర్వహణ విజయవంతం కోసం పిఈటిల, పీడీల సహకారం తీసుకోవాలని సూచించారు. ఈ కార్యక్రమంలో హుజరాబాద్ ఎస్జీఎఫ్ సెక్రటరీ పిడి సొల్లు సారయ్య, పిడి పుల్ల ప్రవీణ్, పలువురు హెచ్ఎఫ్ కార్యదర్శిలు పాల్గొన్నారు.
