క్రిస్మస్ సంతోషం.. అనాథ పిల్లల ముఖాల్లో చిరునవ్వులు నింపిన వేడుకలు

మండల యాదగిరి, స్వర్ణోదయం ప్రతినిధి హుజురాబాద్(వీణవంక): క్రిస్మస్ వేడుకల్లో భాగంగా ఆదివారం రోజున గన్ముక్ల మరియు బేతిగల్ గ్రామంలోని యవ్వనస్థులు (CSI church) జమ్మికుంటలోని స్పందన అనాథ ఆశ్రమంలో ప్రత్యేక వేడుకలను ఘనంగా నిర్వహించారు. ఈ సందర్బంగా పిల్లలు క్రిస్మస్ ప్రేమ సందేశాన్ని స్ఫూర్తిగా తీసుకొని, నిరాశ్రయులైన పిల్లల ముఖాల్లో ఆనందాన్ని చూడటం జరిగింది. అనంతరం ఆశ్రమంలో ఉన్న సుమారు 20 మంది పిల్లలకు & సిబ్బందికి ప్రత్యేకమైన భోజనం, బహుమతుల పంపిణి, కేక్ కటింగ్, బైబిల్, కూరగాయలు నిత్యావసర సరుకులు అందిస్తూ క్రీస్తు జన్మదిన శుభాకాంక్షలు తెలియజేశారు. ఈ సేవ కార్యక్రమం అనంతరం రైల్వే స్టేషన్, రోడ్డు పక్కన ఉన్నటువంటి నిరుపేదలకు దుప్పట్లు, ఆహారం పంపిణి చేశారు. ఈ కార్యక్రమంలో క్రిస్టమస్ వర్తమానాన్ని కొత్తపల్లి దీక్షిత్ అందించారు. ప్రత్యూష, క్రిస్టిన, సంధ్యారాణి తదితరులు పాల్గొన్నారు.